Qazaqstan Respýblıkasy Úkimetiniń qaýlysy  №500

  2016 jylǵy 31 tamyz, Astana, Úkimet Úıi Memlekettik retteý baǵalary belgilengen munaı ónimderin bóletin óńirlik operatorlardy aıqyndaý qaǵıdalaryn jáne ólshemsharttaryn bekitý týraly «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» 2011 jylǵy 20 shildedegi Qazaqstan Respýblıkasynyń Zańy 6-babynyń 12-6) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Memlekettik retteý baǵalary belgilengen munaı ónimderin bóletin óńirlik operatorlardy aıqyndaý qaǵıdalary jáne ólshemsharttary bekitilsin. 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV Qazaqstan Respýblıkasy Úkimetiniń 2016 jylǵy 31 tamyzdaǵy №500 qaýlysymen bekitilgen Memlekettik retteý baǵalary belgilengen munaı ónimderin bóletin óńirlik operatorlardy aıqyndaý qaǵıdalary jáne ólshemsharttary 1-taraý. Jalpy erejeler 1. Osy Memlekettik retteý baǵalary belgi­lengen munaı ónimderin bóletin óńirlik operatorlardy aıqyndaý qaǵıdalary jáne ólshemsharttary (budan ári – Qaǵıdalar) «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» 2011 jylǵy 20 shildedegi Qazaqstan Respýblıkasynyń Zańy 6-babynyń 12-6) tarmaqshasyna sáıkes ázirlendi jáne memlekettik retteý baǵalary belgilengen mu­naı ónimderin bóletin óńirlik operatorlardy aı­qyndaý tártibin jáne ólshemsharttaryn belgileıdi. 2-taraý. Memlekettik retteý baǵalary belgilengen munaı ónimderin bóletin óńirlik operatorlardy aıqyndaý tártibi 2. Memlekettik retteý baǵalary belgilengen munaı ónimderin bóletin óńirlik operatorlardy aıqyndaý úshin oblystardyń, respýblıkalyq mańyzy bar qalanyń jáne astananyń jergilikti atqarýshy organdarynyń (budan ári – jergilikti atqarýshy organ) janynan komıssııalar (budan ári – Komıssııa) qurylady. 3. Komıssııa tóraǵadan, tóraǵanyń orynba­sa­rynan, Komıssııa múshelerinen jáne hatshydan tu­rady. Komıssııa hatshysy onyń múshesi bolyp tabylmaıdy. 4. Komıssııany oblys, respýblıkalyq mańyzy bar qala jáne astana ákiminiń orynbasarynan tómen emes laýazymdy adam basqarady. 5. Komıssııa quramyn oblystyń, respýblıkalyq mańyzy bar qalanyń, astananyń ákimi bekitedi. 6. Komıssııa quramyna Komıssııa músheleriniń jalpy sanynan keminde úshten ekisi mólsherinde qoǵamdyq uıymdardyń, jergilikti deńgeıdegi qoǵamdyq keńester men óńirlik kásipkerler palatasynyń ókilderi kiredi. 7. Komıssııa músheleri ózderiniń qyzmetterine almastyrý quqyǵynsyz qatysady. 8. Komıssııa tóraǵasy onyń qyzmetine basshylyq jasaıdy, Komıssııanyń otyrystarynda tóraǵalyq etedi, onyń jumysyn josparlaıdy, onyń sheshimderiniń iske asyrylýyna jalpy baqylaýdy júzege asyrady. Komıssııanyń tóraǵasy bolmaǵan ýaqytta onyń fýnksııalaryn orynbasary atqarady. 9. Komıssııa otyrystaryn onyń tóraǵasy qajetine qaraı shaqyrady. 10. Komıssııa otyrystary, eger oǵan Komıssııa músheleriniń jalpy sanynyń jartysynan kóbi qatyssa, zańdy dep esepteledi. 11. Komıssııa sheshimderi onyń otyrysyna qatysqan Komıssııa músheleriniń jalpy sanynyń kópshilik daýsymen ashyq daýys berý arqyly qabyldanady. Komıssııa músheleri sheshim qabyldaý kezinde teń daýysqa ıe. Daýystar teń bolǵan jaǵdaıda, Ko­mıssııa tóraǵasy daýys bergen sheshim qabyldandy dep esepteledi. 12. Qajetti qujattardy, berý merzimderin, sondaı-aq Komıssııa otyrysynyń kúnin kórsete otyryp, memlekettik retteý baǵalary belgilengen munaı ónimderin bóletin óńirlik operatorlardy aıqyndaýǵa arnalǵan ótinimderdi qabyldaý týraly aqparat Komıssııa otyrysy ótkiziletin kúnge deıin kúntizbelik jıyrma kún buryn jergilikti atqarýshy organnyń ınternet-resýrsynda ornalastyrylady. 13. Múddeli tulǵalardan ótinimder jergilikti atqarýshy organǵa Komıssııa otyrysy ótkiziletin kúnge deıin kúntizbelik bes kún buryn usynylady. 14. О́tinish berýshi mynadaı qujattardy: 1) erkin nysanda qatysý týraly ótinimdi; 2) zańdy tulǵany memlekettik tirkeý (qaıta tirkeý) týraly kýáliktiń kóshirmesin nemese anyqtamany nemese dara kásipkerdi memlekettik tirkeý týraly kýáliktiń kóshirmesin usynady; (* eskertpe: «Qazaqstan Respýblıkasynyń keıbir zańnamalyq aktilerine zańdy tulǵa­lar­dy memlekettik tirkeý jáne fılıaldar men ókil­dikterdi eseptik tirkeý máseleleri boıynsha ózgerister men tolyqtyrýlar engizý týraly» 2012 jylǵy 24 jeltoqsandaǵy Qazaqstan Respýblıkasynyń Zańy qoldanysqa engizilgenge deıin berilgen zańdy tulǵany memlekettik tirkeý (qaıta tirkeý) týraly kýálik zańdy tulǵa qyzmeti toqtatylǵanǵa deıin jaramdy bolyp tabylady); 3) jarǵynyń jáne/nemese quryltaı qujattarynyń kóshirmesin; 4) munaı ónimderin óndirý salasyndaǵy ýákiletti organ bergen Munaı ónimderin kóterme saýda arqyly berýshilerdiń tiziliminen qyzmettiń bastalǵany týraly úzindi-kóshirmeni; 5) ótinish berýshiniń avtootyn quıý stansııalary men munaı bazalaryna menshik quqyǵyn jáne (nemese) jalǵa alý quqyǵyn rastaıtyn qujattardy; 6) kólik kásiporyndarymen jasalǵan sharttardyń kóshirmelerin nemese kóliktiń bolýy týraly rastaıtyn qujattardy; 7) árbir avtootyn quıý stansııasyna jáne munaı ónimderiniń bazasyna qyzmetiniń jekelegen túrleri boıynsha salyq salý obektilerin esepke alýdy tirkeý kartochkalarynyń kóshirmelerin usynady. 15. Osy Qaǵıdalardyń 14-tarmaǵynda kórse­til­gen qujattar toptamasy tolyq usynylmaǵan jaǵ­daıda, jergilikti atqarýshy organ ótinimdi qabyldamaıdy. 16. Komıssııa osy Qaǵıdalardyń 21-tarmaǵynda kózdelgen ólshemsharttardy eskere otyryp, osy Qaǵıdalardyń 14-tarmaǵynda kórsetilgen qujattardy on jumys kúninen aspaıtyn merzimde qaraıdy. 17. Komıssııa sheshimderi hattama túrinde resim­deledi jáne oǵan tóraǵa, tóraǵanyń orynbasary, hatshy, qatysyp otyrǵan Komıssııa músheleri qol qoıady. 18. Komıssııa hattamasy Komıssııa otyrysy ótken kúnnen bastap bir jumys kúni ishinde jergilikti atqarýshy organǵa jiberiledi. 19. Jergilikti atqarýshy organ on jumys kúni ishinde memlekettik retteý baǵalary belgilengen munaı ónimderin bóletin óńirlik operatorlardy aıqyndaý týraly tıisti qaýly shyǵarady. 20. Komıssııa hattamasy jáne jergilikti atqa­rý­shy organnyń qaýlysy qabyldanǵan kúninen bastap eki jumys kúni ishinde jergilikti atqarýshy organnyń ınternet-resýrsynda ornalastyrylady. 3-taraý. Memlekettik retteý baǵalary belgilengen munaı ónimderin bóletin óńirlik operatorlardy aıqyndaý ólshemsharttary 21. Memlekettik retteý baǵalary belgilengen munaı ónimderin bóletin óńirlik operatorlardy aıqyndaý ólshemsharttary mynalar: 1) ótinish berýshini zańdy tulǵa nemese dara kásipker retinde tirkeý; 2) ótinish berýshiniń keminde úsh jyl menshiginde nemese jalǵa alý quqyǵyndaǵy eń tómengi saqtaý kólemi myń tonna jáne odan da kóp bir munaı ónimderi bazasynyń (qyzmettiń jekelegen túrleri boıynsha tirkeý kartochkasyn usyna otyryp) bolýy; 3) salyq beresheginiń bolmaýy; 4) Qazaqstan Respýblıkasynyń aýmaǵynda júkterdi tasymaldaýdy qamtamasyz etetin kólik kásiporyndarymen jasalǵan sharttardyń bolýy nemese menshik quqyǵynda kóliktiń bolýy. 22. Osy Qaǵıdalardyń 21-tarmaǵynda belgi­lengen óńirlik operatorlardy aıqyndaý ólshem­sharttaryna múddeli tulǵanyń sáıkes kelmeýi múddeli tulǵanyń ótinimin qanaǵattandyrýdan bas tartý úshin negiz bolyp tabylady. Jergilikti atqarýshy organnyń sheshimderine Qazaqstan Respýblıkasynyń zańnamasynda kózdelgen tártippen jáne negizder boıynsha shaǵym jáne narazylyq jasalýy múmkin.